Azərbaycan Dövlət Neft Akademiyasının (ADNA) İnternet-saytına xoş gəlmişsiniz!
1920-ci ildə Avropa və Asiyada neft-qaz təmayüllü ilk ali texniki təhsil müəssisəsi kimi fəaliyyətə başlayan ADNA bu illər ərzində dünyanın qabaqcıl təhsil mərkəzləri səviyyəsinədək inkişaf yolu keçmişdir. Saytımızda siz ADNA-nın yaradılması və inkişaf tarixi, tədris prosesinin və elmi tədqiqatların təşkili, beynəlxalq əlaqələr, bizim məzunlarımız – görkəmli dövlət və ictimai xadimlər, alimlər və mütəxəssislər, ali məktəbimizin bugünkü həyatı haqqında məlumat tapa bilərsiniz. Sizi bu ali təhsil və elm ocağı ilə tanış etməklə gələcək qarşılıqlı əməkdaşlığımıza böyük ümid bəsləyirəm.
